Projekti "Përfshirja dhe fuqizimi ekonomik në Ballkanin Perëndimor"
KRITERET PËR APLIKIM
Për t’u kualifikuar për aplikim për fazën e parë, aplikuesi/ja duhet:
- Të jetë banor/e dhe me adresë të përhershme dhe të zhvillojë biznesin në njërën prej komunave partnere;
- Të posedojë dokument të vlefshëm identifikues të Republikës së Kosovës;
- Të jetë i gatshëm për pjesëmarrje me bashkëfinancim në investim me shumën prej 20%;
- Aplikuesi mund të jetë:
- biznes i ri (start-up);
- biznes ekzistues (i regjistruar apo i pa regjistruar);
- Të dorëzojë të kompletuar aplikacionin sipas thirrjes/të dhënave në aplikacion.
KRITERET PËRJASHTUESE
Aplikuesi/ja do të përjashtohet nga pjesëmarrja e mëtejshme në qoftë se:
- Nuk posedon dokument të vlefshëm identifikues të Republikës së Kosovës;
- Nuk është banor/e i njërës prej komunave partmere;
- Dorëzon aplikacionin pas skadimit të afatit zyrtar;
- Shërbyesit civil
- Dorëzon më shumë se një aplikacion;
- Në mënyrë direkte apo indirekte ofron, premton, jep apo kërkon mito apo ndonjë përfitim tjetër, me qëllim të krijimit apo zhvillimit të biznesit.
Projektet që nuk financohen nga ky projekt janë:
- Ide/biznese me karakter religjioz, politik;
- Ide/biznese që në mënyrë direkte apo indirekte paraqesin rrezik për ambientin (ndotin ambientin);
- Ide/biznese të bazuara në tregti/shitblerje;
- Ide/biznese që bien ndesh me kuadrin kushtetues dhe ligjor të Republikës së Kosovës;
- Bursa për studime, udhëtime studimore, pjesëmarrje në konferenca jashtë vendit;
- Ide që kërkojnë pajisje që nuk janë në përputhje me veprimtarinë e biznesit;
- Blerja e bagëtive, shpezëve dhe bletëve (përjashtuar pajisjet).
KRITERET E PËRZGJEDHJES
Komisioni i përbashkët i përbërë nga zyrtarë të Help, zyrtarë komunal dhe ekspert të fushave do t’i shqyrtojnë të gjitha aplikacionet e pranuara. Para fillimit të procesit të përzgjedhjes në fazën e parë dhe në përputhje me objektivat e projektit, do të përcaktohen edhe kriteret ekonomike dhe sociale.
Kriteret ekonomike për të vlerësuar idetë e biznesit të aplikantëve janë:
- Shkathtësitë e aplikantëve;
- Njohja e aktivitetit të propozuar;
- Konkurrenca;
- Kërkesat ligjore për të bërë biznes në Kosovë;
- Justifikimin e pajisjeve të kërkuara;
- Të ardhurat e pritshme
- Shpenzimet;
- Fitimin etj.
Kriteret sociale i referohen:
- Gjendjes sociale të përfituesve potencial dhe shkallën e ndjeshmërisë
- Vlerësimin e kushteve të jetesës
- Të ardhurat e disponueshme të familjes, dhe
- Fakte tjera relevante.
PRIORITETET
Gjatë vlerësimit të aplikacioneve prioritet do të kenë:
- Idetë e reja/inovative / të kursimit të energjisë dhe me potencial për rritje dhe qëndrueshmëri;
- Bizneset të cilat krijojnë më shumë vende të reja pune;
- Kandidatet gra;
- Komunitetet;
- Personat me aftësi të kufizuara;
- Personat me më pak mundësi punësimi.
MËNYRA E PËRKRAHJES
- Përkrahja financiare dhe bashkë-financimi do t’u shpërndahet përfituesve që i kanë plotësuar të gjitha kriteret e nevojshme dhe kanë fituar pikët maksimale në bazë të kritereve të vlerësimit.
- Përkrahja financiare dhe bashkëfinancimi do të ndahet në pajisje (jo në para të gatshme). Shuma të cilën do ta ndajë Help për një përfitues është mesatarisht 2,400.00 Euro – këtu përfshihet edhe bashkëfinancimi nga përfituesi me 20% të vlerës.
VLERËSIMI I APLIKACIONEVE
- Help do ta formojnë komision të pavarur i cili do t’i vlerësojë të gjitha aplikacionet;
- Komisioni i pavarur në tërësi dhe i vetëm është përgjegjës për zgjedhjen e ideve fituese;
- Komisioni i pavarur, në mënyrë të paanshme dhe në pajtim me kriteret e aprovuara do t’i vlerësojë të gjitha aplikacionet e pranuara;
- Help mbanë të drejtën që t’i refuzoj aplikacionet që nuk i përmbushin kriteret e aplikimit.
PROCEDURAT E AKTIVITETIT PËRFSHIJNË
- Aplikimi;
- Vlerësimi dhe përzgjedhja fillestare (Faza e parë);
- Përfituesit që kalojnë procesin e parë të përzgjedhjes do të vizitohen në shtëpitë e tyre dhe/ose lokalet ku operon biznesi;
- Përzgjedhja finale e përfituesve (Faza e dytë);
- Nënshkrimi i kontratës për investim dhe bashkë-financim nga përfituesi me 20% të vlerës së grantit;
- Bashkëfinancimi/transferimi i mjeteve financiare nga përfituesi në llogari bankare të Help;
- Organizimi i trajnimeve për përfituesit e përzgjedhur;
- Shpërndarja e pajisjeve tek përfituesi;
- Mbështetja teknike për përfituesit e përzgjedhur;
- Puna në komunitet nga përfituesit;
- Monitorimi i vazhdueshëm i përfituesve.
DETYRIMET KRYESORE TË PËRFITUESVE JANË
- Të bashkë-financojnë me 20% të vlerës së grantit përmes transferimit bankar në llogari të Help;
- Të regjistrojë veprimtarinë biznesore si entitet ligjor në përputhje me legjislacionin e Republikës së Kosovës para marrjes se pajisjeve.
- Në rast se biznesi është i regjistruar duhet punësuar ligjërisht të paktën një person;
- Të marrë pjesë në trajnimet e organizuara nga Help.
MARRJA E APLIKACIONEVE
Formën e aplikacionit mund ta:
- Merrni në sesionin informues në komunën tuaj, ose,
- Shkarkoni nëpërmjet ueb faqes Help www.help-kosovo.org ose në Komunën tuaj.
DORËZIMI I APLIKACIONEVE
- Përmes postës:
Aplikacionet e plotësuara dhe dokumentet mbështetëse duhet të dorëzohen me postë në adresën:
- Përmes aplikimit online:
https://apply.help-kosovo.org/aplikacioni/
Data e fundit për aplikim është 19.05.2023, ora 16:00.